ஐரோப்பிய கோப்பை : போர்ச்சுகல் அணியை வீழ்த்தி இறுதிக்கு முன்னேறியது ஸ்பெயின்

டோனட்ஸ்க் : ஐரோப்பிய கோப்பை கால்பந்து சாம்பியன்ஷிப் போட்டியின் முதலாவது அரை இறுதியில் ஸ்பெயின் , போர்ச்சுகல் மோதிய இப்போட்டியில் 4-2 என்ற கோல் கணக்கில் ஸ்பெயின் அணி போர்ச்சுகல் அணியை வென்றது. கால்பந்து ரசிகர்கள் ஆவலுடன் எதிர்பார்த்த இப்போட்டி, இந்திய நேரப்படி நள்ளிரவு 12.15 மணிக்கு தொடங்கியது . உலக சாம்பியனும், ஐரோப்பிய சாம்பியனுமான ஸ்பெயின் அணியின் கேப்டன் இகெர் கேசில்லாஸ், சர்வதேச கால்பந்து போட்டிகளில் இதுவரை 99 வெற்றிகளைப் பதிவு செய்திருந்தார் . போர்ச்சுகல் அணியுடனான இன்றைய யூரோ அரை இறுதியில் வென்றதால் , சர்வதேச கால்பந்து போட்டிகளில் 100 வெற்றிகளை பெற்ற முதல் வீரர் என்ற சாதனையை படைத்தார்