• Maecenas scelerisque fermentum metus Pellentesque tincidunt, diam eget accumsan posuere, est sapien rhoncus nunc, feugiat fermentum urna arcu ut est. Sed bibendum dolor eu orci. Sed sollicitudin, enim ut malesuada condimentum, mauris nisl ullamcorper ante,...
  • Nam libero tempore, cum soluta nobis... Nam libero tempore, cum soluta nobis est eligendi optio cumque nihil impedit quo minus id quod maxime placeat facere possimus, omnis voluptas assumenda est, omnis dolor repellendus. Temporibus autem quibusdam et aut...
  • Neque porro quisquam est, qui dolore... Sed ut perspiciatis unde omnis iste natus error sit voluptatem accusantium doloremque laudantium, totam rem aperiam, eaque ipsa quae ab illo inventore veritatis et quasi architecto beatae vitae dicta sunt explicabo...

Recent Video

Posted by admin on 06 8th, 2012
Showing posts with label விளையாட்டு. Show all posts

EURO CUP கால்பந்து இறுதி போட்டி: இத்தாலியை வீழ்த்தி மீண்டும் சாம்பியன் பட்டத்தை வென்றது ஸ்பெயின்!...




ஜூலை.02:- உலக கோப்பை கால்பந்து போட்டியை அடுத்து மிகவும் பிரசித்து பெற்றது யூரோ கோப்பை கால்பந்து ஆகும். ஐரோப்பிய கண்டத்தில் உள்ள நாடுகள் மட்டுமே பங்கேற்கும் இந்தப்போட்டி உலக கோப்பையை போலவே 4 ஆண்டுகளுக்கு ஒரு முறை நடைபெறுகிறது.
16 அணிகள் பங்கேற்ற 14-வது யூரோ கோப்பை கால்பந்து போட்டி போலந்து, உக்ரைன் நாடுகளில் கடந்த 3 வாரங்களாக நடைபெற்று வந்தது. இந்நிலையில் இந்தப் போட்டியின் இறுதி ஆட்டம் உக்ரைனில் உள்ள கீவ் நகரில் நடைபெற்றது.
இதில் நடப்பு சாம்பியனான ஸ்பெயின்-இத்தாலி அணிகள் பலப்பரீட்சை நடத்தின.
பரபரப்பாக தொடங்கிய ஆட்டத்தின் 14-வது நிமிடத்திலே ஸ்பெயின் வீரர் டேவிட் சில்வா தலையால் முட்டி கோல் அடித்தார். அதன்பிறகு இத்தாலி வீரர்கள் தங்கள் பங்கிற்கு கோல் அடிக்க மும்மரமாக விளையாடினாலும் அவர்கள் முயற்சி ஸ்பெயின் வீரர்களால் முறியடிக்கப்பட்டது.
ஸ்பெயின் அணியின் ஜோர்டி ஆல்பா சிறப்பாக விளையாடி 41-வது நிமிடத்தில் கோல் அடித்தார். இதனால் ஆட்டத்தின் முதல் பாதியிலே ஸ்பெயின் அணி 2 கோல்களுடன் முன்னிலை வகித்தது.
ஆட்டத்தின் அடுத்த பாதியின் இத்தாலி வீரர்கள் கோல் அடிக்க விடா முயற்சி செய்தனர். ஆனாலும் ஸ்பெயின் வீரர்கள் அவர்களுக்கு ஈடு கொடுத்து விளையாடியதால் ஆட்டத்தின் ஒவ்வொரு நிமிடத்திலும் அனல் பறந்தது.
ஆட்டத்தின் 83-வது நிமிடத்தில் ஸ்பெயின் வீரர் டோரஸ் கோல் அடித்தார். இதனால் வெற்றி வாய்ப்பு கிட்டத்தட்ட ஸ்பெயின் அணியிடம் வந்தது. டோரஸ் கோல் அடித்த சிறிது நேரத்தில் அதாவது ஆட்டத்தின் 87-வது நிமிடத்தில் ஸ்பெயின் வீரர் ஜுவான் மாதா கோல் அடித்தார்.
இத்தாலி வீரர்கள் கடைசி வரை போராடி விளையாடிய போதிலும் அவர்களால் ஒரு கோல் கூட அடிக்க முடியவில்லை.
இதனால் ஆட்டத்தின் முடிவில் ஸ்பெயின் அணி 4-0 என்ற கோல் கணக்கில் இத்தாலியை வீழ்த்தி கோப்பையை கைப்பற்றியது.
ஸ்பெயின் அணி 1964 மற்றும் 2008-ம் ஆண்டுகளில் யூரோ கோப்பையை வென்றுள்ளது. இந்நிலையில் தற்போதும் இத்தாலியை வீழ்த்தி மூன்றாவது முறையாக யூரோ கோப்பையை கைப்பற்றியுள்ளது.
இதற்கு முன்னதாக ஜெர்மனி அணி அதிகபட்சமாக 3 முறை (1972, 1980, 1996) யூரோ கோப்பையை வென்றுள்ளது. அதனை தற்போது ஸ்பெயின் அணி சமன் செய்துள்ளது.
எந்த ஒரு அணியும் தொடர்ந்து 2 முறை ஐரோப்பிய போட்டியில் சாம்பியன் பட்டம் பெற்றது இல்லை. ஆனால் ஸ்பெயின் அணி 2008-ம் ஆண்டு மற்றும் தற்போதைய போட்டியில் வென்றதன் மூலம் அந்த சாதனையையும் நிறைவேற்றியுள்ளது.
2010-ம் ஆண்டு தென் ஆப்பிரிக்காவில் நடந்த உலக கோப்பை கால்பந்தில் 1-0 என்ற கோல் கணக்கில் நெதர்லாந்தை வீழ்த்தி ஸ்பெயின் அணி சாம்பியன் பட்டம் பெற்றது குறிப்பிடத்தக்கது.

EURO CUP கால்பந்து இறுதி போட்டி: ஸ்பெயின் மற்றும் இத்தாலி இன்று மோத உள்ளனர்.




ஜூலை.1: உலக கோப்பை கால்பந்து போட்டியை அடுத்து மிகவும் பிரசித்து பெற்றது யூரோ கோப்பை கால்பந்து ஆகும். ஐரோப்பிய கண்டத்தில் உள்ள நாடுகள் மட்டுமே பங்கேற்கும் இந்தப்போட்டி உலக கோப்பையை போலவே 4 ஆண்டுகளுக்கு ஒரு முறை நடைபெறுகிறது.

14-வது யூரோ கோப்பை கால்பந்து போட்டி போலந்து, உக்ரைன் நாடுகளில் கடந்த 3 வாரங்களாக நடைபெற்று வந்தன. தற்போது இந்தப் போட்டியின் இறுதி ஆட்டம் வந்துவிட்டது.

16 அணிகள் பங்கேற்ற இந்தப் போட்டியின் இறுதி ஆட்டம் இந்திய நேரப்படி இன்று நள்ளிரவு 12.15 மணிக்கு உக்ரைனில் உள்ள கீவ் நகரில் தொடங்குகிறது. இதில் நடப்பு சாம்பியனான ஸ்பெயின்- இத்தாலி அணிகள் பலப்பரீட்சை நடத்துகின்றன.

ஸ்பெயின் உலக கால்பந்தில் தற்போது அசைக்க முடியாத நம்பர் 1 அணியாக திகழ்கிறது. அந்த அணி இத்தாலியை வீழ்த்தி புதிய வரலாறு படைக்கும் இலக்கில் உள்ளது.

2008-ம் ஆண்டு ஆஸ்திரியா, சுவிட்சர்லாந்தில் நடந்த ஐரோப்பிய கால்பந்து போட்டியில் ஸ்பெயின் அணி 1-0 என்ற கோல் கணக்கில் ஜெர்மனியை வீழ்த்தி சாம்பியன் பட்டம் பெற்றது.

அதைத்தொடர்ந்து 2010-ம் ஆண்டு தென் ஆப்பிரிக்காவில் நடந்த உலக கோப்பையில் 1-0 என்ற கோல்கணக்கில் நெதர்லாந்தை வீழ்த்தி சாம்பியன் பட்டம் பெற்றது.

யூரோ கோப்பை, உலக கோப்பை ஆகியவற்றை தொடர்ந்து வென்ற அந்த அணி மீண்டும் யூரோ கோப்பையை வென்று சாதனை படைக்கும் முயற்சியில் உள்ளது.

எந்த ஒரு அணியும் தொடர்ந்து 2 முறை ஐரோப்பிய போட்டியில் சாம்பியன் பட்டம் பெற்றது இல்லை. மேலும் ஜெர்மனி அணி அதிகபட்சமாக 3 முறை (1972, 1980, 1996) யூரோ கோப்பையை வென்றுள்ளது. அதனை சமன் செய்ய வேண்டிய நிலையும் உள்ளது.

ஸ்பெயின் அணி 1964 மற்றும் 2008-ம் ஆண்டுகளில் யூரோ கோப்பை வென்றது. இதனால் இன்றைய இறுதிப் போட்டியிலும் இத்தாலியை விழ்த்தினால் புதிய வரலாறு படைக்கலாம் என்ற லட்சியத்தில் ஸ்பெயின் அணி உள்ளது.

ஆனால் ஸ்பெயின் அணியின் அனைத்து வகை சாதனைகளுக்கும் இத்தாலி அணி முட்டுக்கட்டையாக இருக்கும் என்று எதிர்பார்க்கப்படுகிறது. இந்தப்போட்டித் தொடரில் எந்தவித பயமும் இல்லாமல் மிகவும் சிறப்பாக விளையாடும் அணியாக இத்தாலி அணி உள்ளது.

இத்தாலி அணி யூரோ கோப்பையை 2-வது முறையாக வெல்லும் ஆர்வத்தில் உள்ளது. இதற்கு முன்பு அந்த அணி 1968-ம் ஆண்டு யூரோ கோப்பையை வென்று இருந்தது. இரு அணியிலும் உலகின் தலை சிறந்த வீரர்கள் இருப்பதால் இறுதிப்போட்டி மிகவும் விறுவிறுப்பாக இருக்கும் என்று ரசிகர்களால் ஆவலுடன் எதிர்நோக்கப்படுகிறது.


நமது முத்துப்பேட்டை பிபிசி யி்ல் EURO CUP கால்பந்து போட்டி நேரடி ஒளிப்பரப்பு செய்யப்படுகிறது.

ஐரோப்பிய கோப்பை : போர்ச்சுகல் அணியை வீழ்த்தி இறுதிக்கு முன்னேறியது ஸ்பெயின்

டோனட்ஸ்க் : ஐரோப்பிய கோப்பை கால்பந்து சாம்பியன்ஷிப் போட்டியின் முதலாவது அரை இறுதியில் ஸ்பெயின் , போர்ச்சுகல் மோதிய இப்போட்டியில் 4-2 என்ற கோல் கணக்கில் ஸ்பெயின் அணி போர்ச்சுகல் அணியை வென்றது. கால்பந்து ரசிகர்கள் ஆவலுடன் எதிர்பார்த்த இப்போட்டி, இந்திய நேரப்படி நள்ளிரவு 12.15 மணிக்கு தொடங்கியது . உலக சாம்பியனும், ஐரோப்பிய சாம்பியனுமான ஸ்பெயின் அணியின் கேப்டன் இகெர் கேசில்லாஸ், சர்வதேச கால்பந்து போட்டிகளில் இதுவரை 99 வெற்றிகளைப் பதிவு செய்திருந்தார் . போர்ச்சுகல் அணியுடனான இன்றைய யூரோ அரை இறுதியில் வென்றதால் , சர்வதேச கால்பந்து போட்டிகளில் 100 வெற்றிகளை பெற்ற முதல் வீரர் என்ற சாதனையை படைத்தார்
.